ಅಪರಾಧ ಅಪರಾಧ

ಪ್ರವಾಹಕ್ಕೆ ಮತ್ತೋರ್ವ ರೈತನ ಬಲಿ

by 1 on | 2025-08-23 15:40:53

Share: Facebook | Twitter | Whatsapp | Linkedin | Visits: 189

---

ತುಂಬಿ ಹರಿಯುತ್ತಿರುವ ಕೃಷ್ಣ ನದಿಯಲ್ಲಿ ಪಸೆಟ್ ತರಲು ಹೋದ ರೈತ ಸಾವು

ಬಾಗಲಕೋಟೆ ಜಿಲ್ಲೆಯಲ್ಲಿ ಪ್ರವಾಹಕ್ಕೆ ಮತ್ತೋರ್ವ ರೈತ ಬಲಿಯಾಗಿದ್ದು,ಪ್ರವಾಹದಿಂದ ತೀರಿಹೋದವರ ಸಂಖ್ಯೆ ಎರಡಕ್ಕೆ ಏರಿದೆ.ಹೌದು ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ಕುಂಬಾರಹಳ್ಳ ಗ್ರಾಮದಲ್ಲಿ ತುಂಬಿ ಹರಿಯುತ್ತಿದ್ದ ನದಿಯ ದಂಡೆಯಲ್ಲಿದ್ದ ಪಂಪಸೆಟ್ ತೆಗೆಯಲು ಹೋಗಿ ಸಂಗಪ್ಪ ಮರನೂರು(26) ವಿದ್ಯುತ್ ತಗುಲಿ ಸಾವನ್ನಪ್ಪಿದ್ದಾಗಿ ಮಾಹಿತಿ ಲಭ್ಯವಾಗಿದೆ.ಮಹಾರಾಷ್ಟ್ರದಲ್ಲಿ ಮಳೆ ಮುಂದುವರೆದ ಪರಿಣಾಮವಾಗಿ ಕೃಷ್ಣ ನದಿಗೆ ಅಪಾರ ಪ್ರಮಾಣದ‌ ನೀರು ಹರಿದು ಬರುತ್ತಿದೆ.ನದಿಯ ನೀರಿನ ರಭಸಕ್ಕೆ ಪಂಪ ಸೆಟ್ ಕೊಚ್ಚಿ ಹೋಗಬಾರದೆಂದು ರೈತ ಸಂಗಪ್ಪ ಅದನ್ನು ತೆಗೆಯಲು ಹೋಗಿ ಪ್ರಾಣವನ್ನೇ ಕಳೆದುಕೊಂಡಿದ್ದಾರೆ.ಜಮಖಂಡಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ. ಇನ್ನ ಕಳೆದ ಎರಡು‌ ದಿನಗಳ ಹಿಂದೆ ಇದೇ ರೀತಿ ಬಾದಾಮಿ ತಾಲೂಕಿನಲ್ಲಿ ಇದೇ ರೀತಿ ಪಂಪಸೆಟ್ ತರಲು ಹೋದ ರೈತ ಮಲಪ್ರಭ ನದಿಯಲ್ಲಿ ಮುಳುಗಿ ಸಾವನ್ನಪ್ಪಿದ್ದರು.